9 iyun 2009-cu ildə “Könüllü fəaliyyət haqqında” Azərbaycan Respublikasının Qanunu qəbul olunub. Qanunda Azərbaycan vətəndaşlarının istər yerli, istərsə də beynəlxalq platformalarda könüllü şəkildə fəaliyyətinin təmin olunması üçün müddəalar, fəaliyyət istiqamətləri, hüquq və vəzifələr öz əksini tapıb.
Müvafiq qanunun qəbulundan sonra bir çox mərkəzi icra orqanlarının nəznində fəaliyyət göstərən könüllülər hərəkatları, İctimai Birliklər və könüllü proqramları təsis edilib.
Naxçıvan Muxtar Respublikasının Turizm Departamenti muxtar respublikada turizm sahəsi üzrə təhsil alan, bu sahədə çalışmağa maraqlı olan gəncləri vahid platforma ətrafında toplamaq, gənclərin inkişaf edən ölkə turizminə öz töhfələrini verə bilmələri üçün şərait yaratmaq məqsədilə "Naxçıvan Turizm Könüllüləri"-ni yaratmışdır.
Turizm sahəsi üzrə təhsil alan və ya müvafiq sahədə fəaliyyət göstərmək istəyən gənclər üzv olaraq yaradılacaq imkanlardan yararlana bilər.
Naxçıvan Muxtar Respublikasının Turizm Departamentinin könüllülük fəaliyyətinin təşkilində əsas məqsədləri aşağıdakılardır:
- Muxtar Respublikada turizm sahəsi üzrə peşəkar mütəxəssislərin yetişdirilməsi;
- Könüllülərin turizm sahəsində maarifli və şüurlu şəkildə məlumatlandırılması və müvafiq sahə ilə bağlı fəaliyyətə cəlb olunmalarına, öz töhfələrini verməyə şəraitin yaradılması, onların şəxsi inkişafı məqsədi ilə müxtəlif inkişaf konsepsiyalarının, təlim və seminarların həyata keçirilməsi;
- Turizm könüllülərindən ibarət vahid bazanın yaradılması, onların kateqoriyalar üzrə qruplaşdırılması və turizm sahəsi üzrə müxtəlif istiqamətlərdə fəaliyyətlərə cəlb olunması.
Turizm Departamentinin "Naxçıvan Turizm Könüllüləri"-nin fəaliyyət istiqamətləri aşağıdakı formada təşkil olunacaqdır:
- Muxtar Respublikada könüllülərin dəstəyi ilə məlumatlılıq səviyyəsinin artırılması;
- Muxtar Respublikada yerləşən təhsil müəssisələrində təhsil alan gənclərlə iş;
- Qoruqlar və tarixi-mədəni abidələrin təbliğatı istiqamətində işlərin görülməsi;
- Könüllülərin İnkişaf Konsepsiyası çərçivəsində təlimlər, seminarlar və layihələrin təşkili;
- Könüllülər tərəfindən ictimai xidmətlərin təşkil olunması;
- Turizm Departamenti və tabeliyində olan qurumların həyata keçirdiyi layihələrə könüllülərin cəlb olunması.
Naxçıvan Muxtar Respublikası Turizm Departamentinin "Naxçıvan Turizm Könüllüləri" ona üzv olan gənclərin fəaliyyətini əlaqələndirmək, onların inkişafı və könüllülərin turizm sahəsi üzrə təcrübə qazanmaqlarına şərait yaratmaq, ölkədə turizm sahəsi üzrə peşəkar mütəxəssislərin yetişdirilməsi üzrə müxtəlif inkişaf konsepsiyalarının, layihə və proqramların həyata keçirilməsi, turizm könüllülərinin liderlik qabiliyyətlərinin formalaşdırılması sahəsində iş aparmaq, könüllülərin muxtar respublikada yerləşən qoruqlarla, tarixi və mədəni-irsi abidələrlə tanışlığını, muxtar respublikada könüllülərin vasitəsi ilə turizm anlayışının aşılanmasını təmin etməyi planlaşdıran gənclər platformasıdır.
Qeydiyyat üçün buraya daxil olun.
Əlavə məlumat: Instagram